“ Katika yeye mmetahiriwa kwa tohara isiyofanyika kwa mikono, kwa kuuvua mwili wa nyama, kwa tohara ya Kristo. ” Wakolosai 2:11 “Tohara” ilikuwa ni jambo muhimu sana kwa watu wote waliotokea Yuda,au Wayahudi. Katika agano la kale wale wasiotahiriwa walihesabika kama wamataifa,yaani watu wasiokuwa na Mungu halisi,au waabudu miungu. Na kwa sababu hiyo,ilikuwa ni mwiko kwa wanawake wa Kiyahudi kuolewa na wanaume wasiotahiriwa ( Mwanzo 34:13-14). Hivyo kwa tohara ya Wayahudi iliwatenga na mataifa mengine katika suala zima la kuoa na kuolewa. Lakini haikuwa katika kuoa na kuolewa tu,bali hata katika wokovu kwamba asiyetahiriwa hawezi kuokoka.Hali hii iliendelea hata katika baadhi ya watumishi katika agano jipya- ( Matendo 15:1). Hivyo “tohara” katika agano la kale ilimaanisha mambo mawili; 1. Kuingia katika agano na Mungu – Mwanzo 17:11 2. Kutengwa na uchafu Katika agano jipya,tohara si ya wanaume peke yao bali ni ya kila aaminiye katika Kristo Yesu. Katika agano jipya kila aliyeokoka,ameingia katika agano jipya na Mungu kwa njia ya kumwamini Kristo. Na anapaswa ajiepushe na uovu kwa gharama yoyote ikibidi hata kufa na afe akiikwepa dhambi. Biblia inasema “uwe mwaminifu hata kufa ” Ufunuo 2:10 Hivyo,“Tohara ya Kristo” ni “Kuuvua utu wa kale” Neno kuuvua utu wa kale lina maanisha kuuvua mwili wa nyama au kuacha tabia za mwilini ulizokuwa nazo kabla ya kuamini (Wagalatia 5:19 – 20). Kitendo cha kukataa kurudi nyuma kule ulikokuwa zamani kabla ya kumpokea Kristo,kuvua utu wa kale. Lakini ni vyema ujue ya kwamba “utu wa kale” ni tabia zote za shetani,hivyo una uwezo wa kuziacha moja hadi nyingine. Ni mchakato wa kila siku wa kujifunza Neno la Mungu,kudumu katika fundisho ( Matendo 2 :42) na kujitahidi sana kuliishi neno,ndio dawa kamili ya kuuvua utu wa kale. Na hiyo ndio tohara ya Kristo. Hivyo,mchakato huu ni wa maumivu makubwa ya kukubali kutoa muda wako kwa Bwana,kujitahidi kufanya mazoezi ya kiroho kama vile kufunga na kuomba,kutoa sadaka kwa uaminifu wote,tena kukubali kuwaacha watu fulani katika maisha yako,na hatimaye kuambatana na watu wa Mungu. Maumivu na usumbufu ni lazima kwa sababu ni “tohara” kwa maana kama ilivyo tohara ya mikono inavyouma,ndivyo tohara ya Kristo pia ina maumivu yake na usumbufu wake,utakaokuhitaji uwe na uvumilivu ili utu wa kale,uchafu wa dhambi zote viweze kukutoka. Kumbuka lengo la “tohara ya Kristo” ni wewe umpende Bwana, Mungu wako, kwa moyo wako wote, na kwa roho yako yote, upate kuwa hai. ( Kumb.30:6) Kwa msaada zaidi,na maombezi + 255 683 877 900 What’s app + 255 746 446 446 Na Mch.G. Madumla. UBARIKIWE.

SIHA NA LISHE: Pilipili Zina Faida Lakini Pia Madhara Yapo • By adminleo • June 01, 2020 Na MARGARET MAINA mwmaina@ke.nationmedia.com PILIPILI inasaidia sana kusawazisha kiwango cha sukari kwenye damu. Ulaji wa pilipili kunaweza kunawasaidia sana watu wanene au wanaougua ugonjwa wa kisukari. Pilipili husaidia kupunguza uvimbe kwenye tezi na vilevile huwasaidia wagonjwa wa rheumatoid na arthritis kupata nafuu. Vilevile kiungo hiki husaidia kuondoa mkusanyiko wa damu sehemu moja ya mwili. Pilipili husaidia kufungua kwa haraka mianzi ya pua zilizoziba kwa mafua na kumfanya mtu kupumua kwa urahisi zaidi. Kula pilipili kunasaidia kupunguza lehemu mwilini. Madhara ya pilipili Usitumie pilipili kutibu kifua. Kiungo hiki kinapoliwa na mgonjwa mwenye matatizo ya kifua humsababishia kukohoa mara mbili zaidi ya hapo awali. Kutokana na mwasho, kiungo hiki huingia moja kwa moja kwenye mapafu na kusababisha kukohoa zaidi ambako kunaweza kuleta madhara ya mgonjwa kukohoa damu. Pia kiungo cha pilipili husababisha ugonjwa wa vidonda vya tumbo hasa kwa ambao hupenda pilipili kwa wingi. Elewa kuwa utumbo ni laini sana hivyo ni vizuri kuutunza hasa katika matumizi ya vyakula vyenye pilipili kiwango kidogo.

February 19, 2019 by Global Publishers CHUMVI ni moja ya vitu vilivyomo katika maji ya baharini, baada ya maji kuwa mvuke baada ya kupata joto, chumvi hubaki kama vichangarawe vidogovidogo ambavyo huvunwa na kutumika kama kiungo. Ukipita majumbani, hoteli zote, migahawa, minadani, matamasha na mitaani vijiwe vya nyama choma utashuhudia ulaji mkubwa wa chumvi. Watu hujimiminia chumvi katika chakula hata kama chakula hicho kina chumvi. Wengi wao hawafahamu kama ulaji chumvi kwa mtindo huo ni hatari kwa afya zao. Chumvi ni muhimu sana kwa mwili wa mwanadamu kwa kuwa huwa na kiambata kiitwacho sodium ambacho ni muhimu kwa kazi za kimwili. Chumvi imebeba sodium chloride, ndani yake takriban asilimia 40 kati ya hizo ni sodium. Mfumo wa fahamu hutumia sodium kwa ajili ya mipitisho mbalimbali, ukunjikaji au kujivuta kwa misuli, udhibiti wa kiwango sahihi cha maji na uwiano sahihi wa chumvichumvi mwilini hutegemea sodium. Mwili hutumia sodium kwa ajili ya kudhibiti wingi wa maji katika damu, ogani na tishu za mwilini pale inapozidi, basi figo huwa na kazi ya kuitoa kwa njia ya mkojo. Ingawa kama utakula kwa kiasi kingi, basi figo hushindwa kutoa kiasi chote hivyo huendelea kubaki mwilini ndipo matatizo mbalimbali hujitokeza. Madhara ya chumvi kiafya ni kama vile kupata shinikizo la damu. Msukumo wa damu mwilini hutegemea na uwepo wa sodium. Pale sodium inapokuwa imezidi mwilini, msukumo wa damu nao unakuwa juu na hatari. Uwepo zaidi wa sodium ni pale mhusika anapokuwa tayari ana shinikizo la damu, ugonjwa ambao huwa hauonyeshi dalili mwanzoni. Mgonjwa hugundulika pale anapokuwa anapata matibabu mengine hospitalini. Kiasi cha damu katika mzunguko ni moja ya vitu vinavyosababisha uwepo wa msukumo wa damu mwilini. Pale utakapokula kiasi kikubwa cha chumvi zaidi ya uwezo wa figo zako kuhimili kiasi kilichozidi cha chumvi mwilini hubaki, kutokana na tabia ya sodium kuvuta maji kiasi kilichozidi kitabakiza maji mengi mwilini na hivyo ujazo wa damu utaongezeka katika mzunguko na hivyo shinikizo la damu hutokea. Vilevile, sodium iliyopo kwenye chumvi hutegemewa na seli za misuli ya moyo ili kuongeza mapigo, pale inapozidi mapigo huwa juu na hivyo shinikizo la damu hutokea. Ndiyo maana huwashauri wagonjwa wenye shinikizo la damu kupunguza sana chumvi kwenye chakula hasa ya kuongeza. Kula chumvi nyingi kunasababisha magonjwa mengine ya moyo na kiharusi (stroke). Kama msukumo wa damu utakuwa mkubwa zaidi inaweza ikasababisha mishipa yako ya damu ikawa inashindwa kutanuka na kukuweka katika hatari ya kujengeka kwa mrundikano wa mafuta kitaalamu huitwa plaque. Hali hiyo inasababisha tatizo katika mishipa ya damu kitaalamu huitwa atherosclerosis. Tatizo hili ni hali ya mishipa kuwa migumu. Mishipa ya ateri huweza kuharibika na kuwa myembamba au kusinyaa na kuta za mishipa hiyo hukakamaa. Hali hii huufanya moyo kuwa na kazi ngumu na hivyo inakuweka katika hatari ya kupata shambulizi la moyo la ghafla, moyo kushindwa kufanya kazi na kusababisha kiharusi. Tafiti za shule ya afya ya jamii ya Harvard, Marekani inaonyesha utumiaji chumvi kupita kiasi unaongeza asilimia 23 ya kuweza kupata kiharusi na asilimia 14 kupata magonjwa ya moyo. Matatizo mengine ni kama vile moyo kuwa mkubwa na valvu kuwa na matatizo, kwani uwepo wa ujazo mkubwa wa chumvi katika mzunguko wa damu inamaanisha moyo kufanya kazi ya ziada ili kuleta mzunguko sahihi unaotakiwa na mwili. Chumvi husababisha magonjwa mengine kama ya figo, mwili kuvimba na upungufu wa maji, tindikali kuwa nyingi tumboni, udhaifu wa mifupa, vichochezi na chumvi chumvi katika mwili kutowiana. USHAURI Moja ya nyenzo kuu za kupambana na tatizo hili ni kubadili mienendo na mifumo ya kimaisha kwa kuhakikisha tunaepuka ulaji vyakula vyenye chumvi hasa ya kuongeza mezani, kunywa maji mengi, kufanya mazoezi na kupima afya mara kwa mara. Imeandikwa na Global publishers Feb.19/2019